كفته الحاتى (اكتشاف سر الكفته على الفحم )

المكونات
دى لكيلو لحمه ويقاس عليها عند زياده الكميه

1-الحمه تكون مفرومه فرم خشن مش ناعم

2- يضاف 20% دهن بتلو (من عند الجزار أسمه نطر)

3- تتبل الكفتة [ندعوك للتسجيل في المنتدى أو التعريف بنفسك لمعاينة هذا الرابط]بملح و فلفل و بشر بصله متوسطه مصفاه تماما من المياه لإننا هانحتاج الميه عند الشوى يعنى احتفظى بيها

4- معلقتين برغل ينقعوا فى ماء لمده ساعه ثم يصفوا من الماء تمام و يتم فرمهم مع اللحم و البصل

5- يقسم الكيلو على حسب عدد الأسياخ و يوضع على شكل كرات فى الثلاجه لمده 3 ساعات

6- فى طبق او صينيه ضعى مياه البصل و عليها معلقه بيكربونات صوديوم (بيكينج باودر)
طبعا فى ماده تانيه بتستخدم لكن صعب تلاقيها عند أى عطار عموما هاقول عليها اللى يقدر يجيبها يحطها بدل البيكربونات اسمها (عطرون) و هى على شكل الملح الخشن و يتم تذويبها فى ماء و تصفيتها من الشوائب و طبعا يفضل إذابتها فى ماء البصل

7- طلعى الكفتة من التلاجه قبل الشوى على طول و تمسكى قطعة الكفتة على ايدك و تحطى السيخ عليها من المنتصف و تضغطى اللحمه عليها و تبدى تفرديها على السيخ بالضغط المتواصل لفوق و تحت لحد ماتتفرد على السيخ بالسمك المناسب ماتبقاش تخينه قوى و لا رفيعه و الأهم بعد ماتفرديها بللى ايدك بميه البصل اللى عليها كربونات او عطرون و اضغطى على مسافات متباعده بصوابعك علشان تعملى فروق فى السيخ ماتبقاش الكتله كلها حته واحده ده بيقلل من وزن الكفتة على السيخ و ماتقعش

(فايده البيكربونات أو العطرون انه بيخلى اللحمه تتماسك بسرعه اول ماتشم النار و بكده تقدرى تشمعى السيخ بسرعه و تقلبى الجنبين و بعدها تسويه براحتك بقى بعد ماتماسك)

بعد ماتشيلى السيخ اللى استوى فى صينيه مفروشه بالعيش و عليه بقدونس متقطع حطى الكفته و غطيها و حطيها فى فرن البوتجاز و اقفلى عليه و هكذا لحد ماتخلصى المقدار كله

أحلى كفتة ممكن تاكليها فى البيت و أرخص طبعا من اى محل و أنضف و نسخه طبق الأصل بل أفضل فى الطعم و طبعا ده على حسب نوع اللحم

طبعا فى حاجه تانيه بتتحط على الكفتة اللى بتخلى الناس ماتقبلش طعم اى كفتة غير من المحلات
الماده دى هى محسن طعم أسمها مونوصوديوم أو ملح صينى تشبه السكر فى شكلها و موجوده فى الهايبرات الكبيره زى كارفور مثلا الكيلو ب 20 جنيه و طبعا ده يفضل عندك سنه و اكتر لأنك بتحطى معلقتين بس على الكيلو منه
][/size][i]